Sodam Chicken (已結業)

屋企無晚飯食，朋友之前食過覺得唔錯，就O黎試下。想訂位只有6PM 或 8PM，6PM 我又O黎唔切，8PM 又太夜，只好試下WALKIN 。我地O黎到大約6:40PM, 雖然唔駛等位，但入到去都接近坐滿啦﹗需要90分鐘交枱。我地點左太陽芝士炸雞，柚子梳打兩杯。先上柚子梳打，基本上就係柚子蜜加上汽水，好飲﹗太陽芝士炸雞，好大O既一盤，兩個女仔食基本上唔會食得晒﹗中間農夫包入面D 芝士焗到微焦，個包都相當柔軟唔會太實。包蓋好脆﹗炸雞都好好味，但入面有骨，食O既時候要注意。有時會有少少碎骨。兩個女仔真係食唔晒﹗最後淨返少少包，但又已經食唔落，於是決定帶走佢，第二日用焗爐焗返熱佢當早餐食﹗焗返熱都好好食，有芝士蓋住唔會乾曾曾。而個包仍然好柔軟﹗呼籲大家食淨要帶走佢(可以同店員加錢要個盒)，唔好做大晒鬼﹗走果陣應該未到8點，但外面已經好多人等位。