香港郵意 (已結業)

陪舊友行尖沙咀，兜兜轉轉黎到呢個好似旺中嘅商廈，不想竟邂逅如此文藝氣息的咖啡小舖。見到郵筒、各式明信片，仲有隨性擺放的茶座，腳步就放慢了。去叫嘢飲，見櫃面前寫道：本店不設服務，請自律保持清淨，自行收拾碗碟。好，一切從簡。簡簡的服務，嘢食選擇卻不少，大都以紙碗紙碟呈上。餐具自行在隔離檯拎。【煙三文魚沙律】份量十足，厚厚幾片三文魚，新鮮蔬果清爽開胃。【蘆筍帶子意粉】三粒帶子好大好厚好吸引！食落有蘆筍的清香。不過意粉好似鹹左啲，不過這個價錢這個環境當然也可接受。【全日早餐】驚喜之選！配料豐富，炒蛋同牛角包都超過期望的好食。雞腸同煙肉又是鹹左啲，不過配搭沙律菜都平衡返。食完後我地靜靜係度坐左一陣，享受這不多得的愜意。呢度係一個打發時間，睇書寫文，飲嘢悠閒的好去處。