影片
更多
2017-10-12
660 瀏覽
剛剛開始嘗試寫食評，並非專業食家，純粹想分享一下，寫得唔好大家唔好見怪~本身好鍾意食流沙包，所以畀佢個流心西多士廣告吸引咗入嚟食。不過呢…可惜嘅係佢流心質感一般，餡少，味道唔香， 賣相唔吸引，同廣告幅相差距好大。不過其他人話覺得都唔錯，可能各花入各眼啦~ 如果要食流心西多，我會推薦西營盤嘅 周x點心，信心保證。另外嗌左5樣點心，3個好味 2個麻麻：《叉燒腸粉》(圖左) 腸粉算滑， 不過裡面啲叉燒好怪，食落有啲杰，有啲粉，中間心唔夠熱。《XO炒蘿蔔糕》(冇影到相)望落感覺似係炸過，但又係落左太多粉， 有少少韌，有啲油，唔合我口味。《帶子菜苗餃》(圖右) 大大粒好飽滿，調味剛剛好，唔會太鹹，個皮亦唔算過厚。《雞扎》(圖中) 用了好足，大大嚿，入味之餘唔太油膩。 用料都係平時一般雞扎會有嗰啲，但係就冇芋頭。不過我就冇特別追求要有芋頭嘅，所以我好滿意~《蝦餃》(冇影到相) 值得注意嘅係：呢度啲蝦餃只有2粒，唔係一般嘅3粒或4粒。不過蝦餃都係好飽滿，個皮唔太厚，一啲都唔乾。啖啖蝦肉，好好味。ｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰ本身見到咁多負評，都真係有啲擔心中伏。但係根據
剛剛開始嘗試寫食評，並非專業食家，純粹想分享一下，寫得唔好大家唔好見怪~
本身好鍾意食流沙包，所以畀佢個流心西多士廣告吸引咗入嚟食。不過呢…
可惜嘅係佢流心質感一般，餡少，味道唔香， 賣相唔吸引，同廣告幅相差距好大。不過其他人話覺得都唔錯，可能各花入各眼啦~ 如果要食流心西多，我會推薦西營盤嘅 周x點心，信心保證。
另外嗌左5樣點心，3個好味 2個麻麻：
《叉燒腸粉》(圖左)
腸粉算滑， 不過裡面啲叉燒好怪，食落有啲杰，有啲粉，中間心唔夠熱。
《XO炒蘿蔔糕》(冇影到相)
望落感覺似係炸過，但又係落左太多粉， 有少少韌，有啲油，唔合我口味。
《帶子菜苗餃》(圖右)
大大粒好飽滿，調味剛剛好，唔會太鹹，個皮亦唔算過厚。
《雞扎》(圖中)
用了好足，大大嚿，入味之餘唔太油膩。 用料都係平時一般雞扎會有嗰啲，但係就冇芋頭。不過我就冇特別追求要有芋頭嘅，所以我好滿意~
《蝦餃》(冇影到相)
值得注意嘅係：呢度啲蝦餃只有2粒，唔係一般嘅3粒或4粒。不過蝦餃都係好飽滿，個皮唔太厚，一啲都唔乾。啖啖蝦肉，好好味。
ｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰｰ
本身見到咁多負評，都真係有啲擔心中伏。但係根據我個人經驗，覺得雖然部分比較麻麻，但只要揀啱食物，其實佢味道都真係唔錯~
環境方面就比較擠迫啲，唔算坐得舒服，基本上同後面張枱嘅人係接近背貼背咁。 而且真係好嘈，可能因為廚房太近。不過香港咁細嘅地方嚟講，我覺得都算可以接受。 如果想坐得舒服啲或者想傾計，就可能去返酒樓飲茶會比較好。
張貼
