三清洞摩西 (已結業)

之前成日都大排長龍，所以冇乜機會幫襯。今日五晒燈為大約六點半到到啦，超級肚餓所以二話不說即刻排咗一個部隊鍋再加芝士加埋韓式紫菜卷同埋拉麵。芝士加埋韓國嘅公仔麵真係冇得彈，其實就咁睇個喎已經流晒口水，即使好膩好heat，我同男友都繼續攬住個肚繼續食密密食, 堅持食曬佢為止。部隊鍋入邊有腸仔午餐肉，不過比較碎同埋散，如果可以改善呢一點就好啦。同埋餐廳無水供應嘅，如果要飲水都係要買一支蒸餾水嗰隻，所以我哋飲韓國果汁比較划算，不過今次啲一餐飯好滿意嘅，唯一就係對自己好失望囉，以為可以食埋嗰個芝士炒飯，但係我哋兩個已經飽到行唔郁啦。