The BASE (已結業)

第二次黎，呢到都仲係令人覺得好舒服。放工後同朋友傾計特别想揀個坐得舒服，食得自在既地方。雖然行工業風，但出奇地無令人覺得太剛，可能因為佢都用左唔少綠色&木既元素。好欣賞呢支水。其實唔少人食野有一部分都係食presentation，呢支水就有好好既presentation。放左薄荷葉係入面，雖然其實薄荷味好淡好淡，但單單係個presentation都令人覺得賞心悅目。我地叫左個set, 個蕃茄湯好足料，唔會太酸，蕃茄+菇+洋葱+herbs既配搭好令人開胃。個蒜蓉包好脆。成日覺得一個好既蒜蓉包真係好唔易做。蒜蓉既份量，牛油既份量，包既烘度，仲有包既選材，其實都要諗過度過先可以整到。呢個係上次食過覺得正，所以再encore既珍寶雞蝦球用左嫩雞肉包住蝦膠，然後用雞翼骨做珍寶珠支棒，配左2個好味sauces。講到成件事好似好簡單。但要做到外脆內嫩仲juicy都真係考功夫架。所以先值得要encore.燒蘑菇成為左我既新寵，只要餐廳有，我基本上都必點！呢到既蘑菇比我想像中細，但加火箭菜食又幾新奇。都係juicy蘑菇。切開燒有切開既好，唔使切蘑菇個時漏哂D汁。但我有時其寶就係追求佢漏汁個下有種治癒感。