影片
更多
2018-04-09
20536 瀏覽
紅磡都會海逸自助餐，係我一生人幫襯得最多嘅一間，計埋今次已經係第五定六次嚟，主要原因係食物種類多元化，當然一定要有我至愛嘅生蠔同長腳蟹啦，不過自從上次生蠔質量欠佳，我就無再幫襯，今次如果唔係朋友想試，我都唔會再嚟，經過今次，我再次肯定唔會再幫襯！刺身：有甜蝦、帶子、希靈魚、劍魚腩、吞拿魚、三文魚、比目魚柳甜蝦好細隻，但鮮甜黏口；帶子每次只有兩粒，但新鮮肥美；劍魚腩同樣鮮甜肥美即開生蠔：有美國同法國蠔每次只提供兩隻，好新鮮唔腥嘅，但美國蠔太細隻又唔肥美；而法國蠔則海水味重，好好味，不過兩款size都好參差，有時細到好似蠔豉海鮮：有蟹、龍蝦仔、螺、長腳蟹、青口蟹雖然細隻，但有膏同鮮甜多汁；龍蝦仔膏唔算多，但同樣鮮甜；長腳蟹好幼，而且肉黐殼，但都鮮甜多汁炸天婦羅：有秋葵、蝦、椎魚、蕃薯、蟹柳、舞茸菇炸漿算薄，全部熱辣辣好好味，推介舞茸菇同秋葵熱盤大約有廿幾三十款：有燒牛肉、羊架、蒸魚、炒什菜、炒飯、炒蟹、咖喱羊、意粉、鵝肝多士、叉燒、燒鴨、pizza、炸薯餅、芝士火鍋。。。燒牛肉ok嘅，但個bbq汁太濃味同杰身；羊架又乾又硬同只得雪味；炒蟹太細無肉無膏；鵝肝好香好正；叉燒燒鴨太乾身；芝士火鍋
刺身：有甜蝦、帶子、希靈魚、劍魚腩、吞拿魚、三文魚、比目魚柳甜蝦好細隻，但鮮甜黏口；帶子每次只有兩粒，但新鮮肥美；劍魚腩同樣鮮甜肥美
即開生蠔：有美國同法國蠔每次只提供兩隻，好新鮮唔腥嘅，但美國蠔太細隻又唔肥美；而法國蠔則海水味重，好好味，不過兩款size都好參差，有時細到好似蠔豉
海鮮：有蟹、龍蝦仔、螺、長腳蟹、青口蟹雖然細隻，但有膏同鮮甜多汁；龍蝦仔膏唔算多，但同樣鮮甜；長腳蟹好幼，而且肉黐殼，但都鮮甜多汁
炸天婦羅：有秋葵、蝦、椎魚、蕃薯、蟹柳、舞茸菇炸漿算薄，全部熱辣辣好好味，推介舞茸菇同秋葵
熱盤大約有廿幾三十款：有燒牛肉、羊架、蒸魚、炒什菜、炒飯、炒蟹、咖喱羊、意粉、鵝肝多士、叉燒、燒鴨、pizza、炸薯餅、芝士火鍋。。。
燒牛肉ok嘅，但個bbq汁太濃味同杰身；羊架又乾又硬同只得雪味；炒蟹太細無肉無膏；鵝肝好香好正；叉燒燒鴨太乾身；芝士火鍋又香又濃
生滾粥：配料有蟹肉、蟹膏、魚柳、帶子
朋友話好好味，不過食完會超飽
湯：有蟹肉粟米湯、雜菜湯
芝士：cream cheese、parmesan cheese、emmentaler、pepper jack cheese、red cheddar、edam全部都好好味，啱晒我口味，可以切少少嚟試呀
甜品：芒果拿破崙、斑蘭pancake、綠茶心太軟、榴槤撻、芝士梳乎厘、櫻花流心蛋糕、芝士蛋糕、鮮奶蛋白、杏汁燕窩、窩夫、楊枝甘露、Haagen-Dazs雪糕批/雪糕杯各5款。。。芒果拿破崙仍然咁好味，好千層好脆，芒果又甜；斑蘭pancake無乜斑蘭味，但好足料cream好香滑；芝士梳乎厘食唔出有芝士味；鮮奶蛋白又奶又滑
每人共消費：＄600 (假期前外85折)
後記：
1) 4月尾前做《芝芝》瑞士主題，但事實有關食品只得瑞士火鍋、芝士通粉同沙律，唔見得有咩特別
2) 食物質素不大如前，尤其我至愛既生蠔同蟹腳
張貼
