影片
更多
2010-05-31
47 瀏覽
爸爸生日去食buffet慶祝, 因為咁啱有張6折coupon, 如果唔係我一定唔會去食, 因為富豪集團出名麻麻, 果然不出所料.....................未夠7點去到, 見到周圍已經排哂隊, 好多人已經開始食, 我地都急不及待放低袋就去巡視下.............發現食物種類同數量都係好少, 似百零至二百零蚊果d buffet, 呢度話哂都係$358/位(正價, 未計加一), 點會咁少野食架,,,,,,,,,?? 就係因為太少關係, 差不多試勻所有我想食的食物, 絕對冇一樣值得加許............... 冷盤 青口-> 見佢發育不良, 冇食 蟹腳 -> 冇味, d肉痴殼 翡翠螺 -> 超大隻, 但可惜好多沙 蝦 -> 幾大隻, 都算爽口 魚生 -> 得三文魚, 八爪魚, 立魚, 只食過三文魚, 都幾厚切, 但每次只比3塊 壽司 -> 好似冇乜款, 又係d cheap cheap款 湯 麵豉湯 蕃茄薯仔湯2樣都冇興趣, 想飲中湯又冇熱盤 燒牛肉 -> d肉地好假, d纖維痴埋一舊, 好似食熏蹄, d肉好紅
未夠7點去到, 見到周圍已經排哂隊, 好多人已經開始食, 我地都急不及待放低袋就去巡視下.............發現食物種類同數量都係好少, 似百零至二百零蚊果d buffet, 呢度話哂都係$358/位(正價, 未計加一), 點會咁少野食架,,,,,,,,,?? 就係因為太少關係, 差不多試勻所有我想食的食物, 絕對冇一樣值得加許...............
冷盤
青口-> 見佢發育不良, 冇食
蟹腳 -> 冇味, d肉痴殼
翡翠螺 -> 超大隻, 但可惜好多沙
蝦 -> 幾大隻, 都算爽口
魚生 -> 得三文魚, 八爪魚, 立魚, 只食過三文魚, 都幾厚切, 但每次只比3塊
壽司 -> 好似冇乜款, 又係d cheap cheap款
湯
麵豉湯
蕃茄薯仔湯
2樣都冇興趣, 想飲中湯又冇
熱盤
燒牛肉 -> d肉地好假, d纖維痴埋一舊, 好似食熏蹄, d肉好紅, 但見唔到一滴血, 真神奇
燒羊仔脾 -> 唔羶, 因為連肉味都冇
魚湯浸什菜 -> 都唔覺有魚湯味
蒸蛋 -> 老咗, 見到有 "豆皮"
日式白麵豉燒蠔 -> 有波菜底, 面有好細隻的蠔, 面果pet白麵豉醬鹹到死, 又燒得唔夠香
其他仲有扁意粉, 印度牛肉, 印度薄餅................
選擇唔多, 十樣左右, 又唔吸引
其他
叉燒 -> 好瘦, 好un, 又唔夠蜜糖
鹵水鵝 -> 超肥
鹵水牛肚 -> 林到冇牙都食到
豉油雞 -> 有色冇味
天婦羅 -> 冇炸蝦, 得茄子+三色燈籠椒, 熱食都ok, 幾脆口, 但見佢好似放好耐都冇人夾
仲有艇仔粥, 白飯等...........
甜品
雪糕 -> 係moovenpick(唔記得點串) 最正係呢個, 有over 10款味, 你可以一次過要哂, 不過食到唔知自己食緊咩味, 同埋溶得好快............
糖水 -> 芝麻糊(淡如水), 楊枝甘露(甜到死), 豆腐花(都滑, 不過冇乜豆香味)
cake類 -> 冇cheese cake, 但有其他唔知乜cake, 味道一般
生果 -> 菠蘿(好甜), 西瓜(一般), 哈蜜瓜(冇味), 火龍果(酸酸地)
葡達 -> 唔錯, 但可惜凍咗
pancake -> 即叫即整, 但d粉漿唔得lor..........一d都唔似pancake, 而且生果好少款比你選
仲有其他甜品, 真係甜到你死, 一係酸到你暈..............
飲品
咖啡or奶茶or檸茶/水 -> 自己沖啦~~ 但d冰成日都冇...........
實在太少種類, 又冇汽水, 如果要就加錢啦~~
當然仲有其他湯粉麵及芝士, 麵包頪, 但本人不感興趣, 冇試過..................no comments~
由於太open, 坐到差不多走時, 雙眼非常辛苦, 不停標眼水, 又澀, 因為太大油煙, 又焗, d位又逼..........下次就算唔駛錢都要考慮下, 因為真係冇野好食.............但都唔知點解仲咁多人, 不過我見大部份都用coupon, 就算冇, 好多credit card都有discount, 但以呢個價錢, 响其他地方食到, 相信好過呢度多多聲..................
張貼