安利大排檔 (已結業)

星期日如果在家的話，多會煮飯，下晝就同太座去筲箕灣買菜。搵地方食晏，非東大街莫屬。上次吃了王林記，今次就試下安利。兩點幾去到安利魚蛋粉，門口少說也有十五人在等，好似唔使錢咁。坦白講，香港地咁多好野食，都有東西是值得花時間在門口等位的，但區區魚蛋粉就不在此列。就同太座去另一間安利魚蛋粉，又係十幾人在排隊，幾時香港人咁鐘意排隊？行多一個舖位，見呢度又係安利，人亦無咁多，剛好就有二人位。雖然也看過食評對這裡的惡評，但眼看又唔似咁差，就同太座入來試下。呢度似茶餐廳，有粉麵、多士、三文治都有。望左望右，由食客投票，似乎十檯有七檯都叫切腩，「撈麵」指數更是十足十，有見及此，都叫了切腩撈麵，當然不忘交帶要爽腩，加個淨魚蛋同菜一碟。碗撈麵好快上檯，份量不太多，但好深色又好香麻油味。切腩是清湯腩，又真係兩碗都俾到爽腩，吃一舊，味道唔錯，雖然廋的部份是有點韌，算幾有水準；撈麵的甜醬油下得重手，加埋麻油味道過濃，所以一定唔覺有鹼水味，拿湯浸一下剛好，下次來吃要叫「扣色」。撈麵味道都幾好，也是我偏愛用麻油來撈麵的原故；淨魚蛋除了魚蛋及魚片，還有幾塊炸魚皮。這裡的魚片彈牙，味道好過魚蛋，但俱無魚味。反而炸魚皮唔