西記粥店 (已結業)

早幾日又得一個人食飯，本來想去金鳳食返個餐，但見到條人龍，立刻走人；之後想起這粥店也看過一些食評，好像都唔錯，便來一試；本來打算食生滾粥，但又比較餓，最後決定食臘味煲仔飯，等了差不多20分鐘才到，又真係幾耐。臘味煲仔飯- 臘味味道都幾好，但唔多夠油，令到飯唔多夠味，要加豉油才夠味；飯比較濕，唔會太硬，飯焦幾香幾好味，但就比較硬，如加上上湯，相信會好。另送的豆漿，味道一般，沒有什麼豆味。價錢唔貴，味道也不錯；等下次無禁餓，再來試試粥先。