檀島咖啡餅店 (已結業)

你問我佢值唔值咁既名，兩個字：「唔值」，但唔係話佢難食。檀島酥餅蛋撻新鮮出爐o個陣真係幾吸引，D 包款新鮮出爐o個陣都好吸引，但係其他貨仔呢，講真，唔係好值個價- 用咁既價錢已經可以o係翠華食個心安理得既乾淨「茶餐廳」貨仔。但我鍾情於佢個熱啡，因為：（一）個杯（夠厚夠舊）；（二）個味；同（三）個濃度- 唔單止係啡底個濃度，仲有個植脂奶個濃度同比例。另外值得一試既係個蓮子冰，因為唔係度度有得飲。記住要慢慢飲- 飲得太快、或者攪得唔勻，唔好飲，唔好賴我。