茶木‧台式休閒餐廳 (青衣城1)

營業中

休息中

今日放假 咁就去試下茶木 我地兩個人叫左4碟餸 total $301 lunch黎講都幾貴 不過都真係好飽(´･ω･`)啲侍應有啲奇怪，明明好多位冇人坐，又冇人帶位，又唔比我地求其坐，係咁叫我地係門口等下⋯⋯😒我地叫左個義式鱸魚青醬手作麵，都好少見青醬既麵，又好似新出，就好想試下。個麵上得幾快既，但個味令人小失望。個魚係煎得幾好食，但個青醬就有點稀，個味都有d奇怪。同埋本身唔太好洋蔥，個麵又加左好多洋蔥，多到我分唔清麵同洋蔥個種。然後個麵既口感都麻麻，如果用普通意粉可能仲好點。然後上面紅色d裝飾又唔係好知做緊乜，好似扮到好高級咁⋯⋯😒然後叫左個台式滷味拼盤。呢個又幾好食既，全部都好入味，特別係個豆腐，一咬落去好有驚喜，入面勁嫩。試得過！😍然後我地叫左個芒果香草蜜糖磚塊。多士不嬲係茶木既招牌，唔洗講都知好好食。雪糕同多士冇得輸既。😍😍😍最後仲食左個黑糖草莓芋圓仙草豆花。芋圓都幾好食，不過珍珠就有啲難咬。然後個士多啤梨極酸，而佢個葉竟然冇整走先放入個糖水😀總括而言，茶木都係食下個磚好啦。其他都唔係好值個價。