元朗冰室 (已結業)

首先我要講，嗰度裝修好靚仔，坐得亦都好舒服，點解我會用配搭錯誤呢，我應間會解釋下我老婆食蒲燒鰻魚飯，我食日式吉列魚柳滑蛋飯，首先大家自己幻想下你會覺得佢拎啲嘢黎係咩樣先，跟住我放啲相你就會明白，點解叫做配搭錯誤的一餐首先我要講，佢個羅宋湯係好飲，蒜蓉包好脆好食，但係個羅宋湯嘅濃稠度係好似一個汁，仲要係好多餸嘅汁。 首先呢個莆燒鰻魚飯先，大家幻想左未？佢有三件鰻魚，炒左滑蛋在旁，另外 好少好少汁係側邊，再配碟凍都牙齒敏感嘅中華沙律， 呢個配搭完全顛倒我對蒲燒鰻魚飯嘅認識，而三舊鰻魚 ，也帶腥味跟住就係我個吉列魚滑蛋飯魚炸得好好，有炒蛋，有粟米同埋又係凍到牙齒敏感嘅中華沙律，最厲害嘅係呢個飯一滴汁都冇， 佢最後會畀一碟沙律醬你，但我唔認為沙律醬係可以撈飯， 好在老婆飲剩少少羅宋湯，我可以撈落去，如果唔係我都唔知點可以乾曾曾咁食曬個飯熱檸茶檸水唔使講啦埋單 130 兩個人 ，晚飯嚟講價錢冇乜嘢好投訴， 但今次呢兩個餐佢係好有誠意咁搞咗啲唔知乜出嚟，所以我又鬧佢唔落，但又讚佢唔到。但我會想試下佢其他中式或者西式嘢。佢嘅日式嘢我真係唔夠膽再叫我真係好怕佢嗰個凍到牙齒敏感嘅中華沙律。