尚上下夏 - 養生雞煲火鍋 (已結業)

舊同事成班約咗去尖沙咀食雞煲火鍋, 放咗工就即刻飛奔過去喇! 尖沙咀係大家的中心點, 所以都好方便, 而且有同事食過話呢間D雞煲唔錯, 所以我地4個人今日就去食呢間喇.我地4個人都食辣, 就叫咗個辣雞煲全隻, 份量都唔少, 而且配料好多. 雞件亦都好滑好入味. 朋友之前食過鍾意佢D豬皮, 今次仲額外加咗一份豬皮落落雞煲度, 果然成個雞煲的主角頓然變成係豬皮! 是關佢本身個汁料夠濃夠辣, 豬皮落落去索晒D精華, 而且煮到淡晒, 真係好正!佢d火鍋料都好新鮮, 而且湯底多選擇, 我地揀咗食家推介的"龍蝦湯底", 我地鍾意個味道濃味, 所以都要求D雞汁保留住, 再加龍蝦湯, 嘩個湯真係超級濃味, 合晒我地心意!叫咗桶蠔, 帶子, 四寶丸, 凍豆腐, 響鈴. 我自己就極力推介響鈴同埋四寶丸. 響鈴係佢地自己即炸的, 比起出面買個D脆好多同埋香好多, 呢隻響鈴放落湯一秒就夠, 同個湯完美結合! 四寶丸樣樣都好味好同彈牙, 但推介墨魚丸同埋鯪魚丸, 好鮮味!最後黎個四川苕粉 (即係薯粉), 又係索湯之選! 為今晚的晚餐劃一個完美的句號!