掌門重慶麻辣火鍋 (已結業)

配料新鮮麻辣鍋渡船街呢邊一向都多美食，今次就去左呢間食麻辣火鍋，餐廳唔算大，裝修得幾骨子，座位有十張枱左右，去之前最好打去Book枱。呢到個重慶麻辣翡翠鍋 $148 好特別，成個湯係綠色，比平時嘅麻辣鍋無一層油係面又清新啲，😋少左罪惡感，食都覺得健康啲，叫左小麻小辣，但到後期愈食愈麻，愈食愈辣，🤪要加湯去降返個辣先得。極品西班牙黑毛豬 $88排到好靚，有十塊左右，肉質軟身，豬味濃，但唔騷，好味👍掌門招牌四寶丸 $98有魚蛋、牛丸、墨魚丸、貢丸，每樣三粒，而墨魚丸最出色，食到有粒粒墨魚係入面，又彈牙。掌門芫茜餃 $58自家包制，粒粒都飽滿，餡料好豐富，芫茜味重，岩哂鍾意食芫茜朋友。韓國炸餐肉條 $48炸到外脆內軟又香口，就咁食已經覺得好好食，再浸一浸個湯加上麻辣，更加惹味。五彩鮮蔬籃 $58放到好似花咁，好新鮮，有幾款菜，有生菜、娃娃菜、通菜、金菇。