Vici Stage

營業中

休息中

平時向荃灣，酒吧都係比較少，而且只有酒飲。今晚我去呢間酒吧，佢重係一間餐廳黎👍🏻餐廳坐位距離都好闊，等食客食得安心。開放式厨房可以比客人見到厨師既風姿👍🏻我地叫左兩杯飲品同埋4個菜。飲品係柚子森林同埋孟婆湯。右邊果杯係柚子森林，由柚子醬混合一啲酒而成，好易入口，清新醒神。左邊果杯係孟婆湯，係由好多款酒組成，入口會感覺到甜、酸、苦、澀幾個味道👍🏻吾好以為酒吧只有酒係出色，佢地既食物都非常出色。我地叫左香煎三文魚配芒果莎莎，三文魚煎到剛剛好，表面配有芒果肉粒，入口有酸甜味，配返味淡既三文魚，不錯👍🏻我地重有叫串燒，有豬肉牛肉雞肉，餸酒一流👍🏻厨師控制火候控制得好好，無燒到過火，軟淋淋，好味👍🏻焦糖蒜香牛柳粒都好好味，每粒牛柳粒上一面都有焦糖，入口甜甜地，加埋蒜頭香味，食到停吾到口，而且牛柳既肉汁都好多，呢個一定要食👍🏻最後介紹係呢個意大利飯，啲飯好淋，個汁味道岩岩好，吾會太濃。配埋海鮮既鮮味，一絕👍🏻帶子大粒之餘又吾腥，食完呢個飯都飽晒。同朋友傾下計，飲多杯野，咁就一晚👍🏻如果大家都想試下去一間酒吧餐廳，有一個美滿既晚飯體驗，都可以去試下。