御老鍋台式火鍋 (已結業)

御老鍋 酒店內的高質台式火鍋今日放假訓晏左，lunch hour又未肚餓，於是就下午茶時間去打邊爐，夜晚又唔洗食咁多，自我感覺幾健康，大家都可以試吓😆環境 🏨今次試左位於尖沙咀金巴利道君怡酒店內嘅火鍋店。由於喺酒店範圍內，大堂，洗手間環境都好乾淨。餐廳入面亦乾淨企理。食物🍲除左環境，御老鍋嘅食物質素亦都無令我哋失望。我哋點左個下午茶優惠套餐，由於想清熱氣嘅關係，我哋叫左芫茜皮蛋豆腐鍋做湯底。飲品我哋就揀左菊花茶同洛神花茶，既滋潤又開胃。叫套餐嘅好處就係唔需要自己揀火鍋料，啱晒我哋呢啲有選擇困難症嘅人🙈雖然係套餐，但配料質素非常高質，尤其想讚：- 手切肥牛: 唔會太肥又重牛味🥩- 海蝦 & 大元貝: 鮮甜好味🦐- 羊肉片: 酥味唔重，好食🍖服務👩‍🍳👨‍🍳服務員非常貼心，經常留意我哋需唔需要加湯、濕紙巾等等，服務周到～