千賀水產の鮮鍋道場 (已結業)

係銅鑼灣要搵一間可以任食價錢相宜既火鍋選擇唔多，如果火鍋包埋海鮮既又真係好少，但居然咁難搵都比我搵，所以今次試新野，千賀水產鮮鍋道場，係正Times Square後既假日酒店內，非常方便。平日晚市BUFFET＄268 餐牌上寫明可以食足六個鐘，直頭可以食埋宵食。抵一坐低先揀湯底，嘩⋯⋯中、日、韓十幾款可以揀，清既可以揀溫野菜蕃茄鍋、昆布干貝清湯、野菌清湯⋯⋯辣湯有血池地獄麻辣湯、胡椒豬肚湯，我就比個波士頓龍蝦鍋吸引住。揀好湯底無幾耐就送上放題已包既海鮮盤，內有大蝦、蜆，鮑魚，象拔蚌⋯⋯，仲有一碟柚皮鮑魚、極上安格斯牛小排、韓式珍寶餃子同醬爆手打薑汁貢丸，份量因應人數計算，如果唔夠都可以添加。另外再有一盤魚生，有蝦，帶子⋯⋯以作前菜，非常豐富出去BUFFET BAR睇下有咩食先，有火鍋配料，多款新鮮蔬菜、丸、麵⋯⋯仲有熟食、壽司、炸物、沙律⋯⋯，單係飲品都幾多選揀，甜品仲有一櫃雪糕、雪條同雪米糍任食。可能我地得兩個人啦，當我地食完預設魚生、海鮮盤已飽咗六成，個龍蝦鍋內有隻分開兩邊既中型龍蝦，都好多肉同好多膏，而個湯底亦好鮮味。整體黎講加埋一$340 都算唔錯。