明師傅甜品 (已搬遷) 新店位置

親友推介話哩道啲法式焦糖燉蛋好好味，就襯行開荃灣入去試試。果然唔錯。法式焦糖燉蛋又滑又香，焦糖仲又薄又脆口嫁，配埋鮮果，味道一流。另外叫咗意式雲呢嗱奶凍配芒果，芒果香甜、奶凍香滑雲呢嗱味道特濃。師傅話係用真材實料原條雲呢嗱磨製，唔係用香油做嘅至有咁效果。傾開先知原來師傅係前某大酒店(中國元首經常下榻嗰間)嘅甜品師傅。唔怪得之有咁水準。至於另外兩樣鮮雜果涼粉同紅綠豆沙就一般。下次一定要再試其他特色甜品。