明星海鮮燒鵝專門店

營業中

休息中

之前家人話係呢間飲過茶，點心好食，所以就訂咗呢間食晚飯。唔知係咪遲咗訂枱，我哋張枱比其他枱一樣人數嘅細張，食客都比較多，眼見大枱都滿晒，只餘四人枱幾張，坐低左就即刻開始點餐，菜式有多種供選擇，最後點咗有極品脆皮燒鵝、菠蘿咕嚕肉、家鄉鹹孫煎藕餅、海味魚腐什菜煲、脆皮燒肉、魚香茄子煲、上湯焗西澳洲龍蝦、蒜蓉蒸元貝、金銀蛋莧菜，仲有多款自選孖寶等菜式，每碟份量適中，味道不錯，最緊要係食完唔口渴，而等上菜時間都唔耐，侍應態度亦有禮貌。