Shining Restaurant & Lounge (已結業)

今日同朋友慶祝last day去左times quare後面搵食，見到Zing!樓上有間Bar restaurant於是去試下～一入到去就見到張卓球台，有得督住波飲野食野好好feel。不過最令我surprise既係d食物竟然唔係西餐，而係傳統茶餐廳／大排檔式既中菜，呢個反差相當有趣。好喇講下今晚我地叫左咩食先～前菜叫左麻辣鴨舌：堅麻堅辣堅入味，鴨舌去晒骨啖啖肉，好食！餸方面，職員推薦左我地叫百花馬友煎肉餅，話入面加左蝦滑，做到彈牙又外脆內滑既肉餅，咸魚味唔會太咸，肉餅加蝦肉原來咁夾，乜醬都唔洗點已經食唔停口！沙嗲豬頸肉煲：豬頸肉好嫩滑，沙嗲味香濃唔係味精死咸，入面仲有粉絲勁掛汁，出色！小炒皇：炒得好香口，仲要好足料，啖啖都係蝦乾魷魚！最後叫埋個主食鼓油王抄麵就搞掂，炒麵爽口，唔會好油膩，鼓油亦唔會過咸，食完飽肚又唔膩。我地兩個人叫左咁多野連埋野飲，埋單唔洗$700，環境又chill，仲有得包房唱k，下次約埋班fd上黎試下先！