人和月雞煲火鍋店 (已結業)

香港嘅火鍋店比比皆是，同些粉一樣行幾步就有間，所以有時候真係想食特別啲，咁先會記得自己食過啲乜呢間有首創嘅酥皮麻辣芝士雞煲，估唔到酥皮可以應該喺火鍋度。雖然塊酥皮真係好似煲蓋咁大塊，但仍然幾香口鬆軟裡面嘅雞肉份量激多，食極都仲有，偶爾仲有芝士拉絲，太強喇食完雞煲就可以揀湯底打邊爐，仲要係用另一個煲打，唔怕油膩。大胃揀咗椰青香茅青檸湯，清新又重椰香，可以中和返食雞鍋嘅火氣第一碟有份好靚嘅牛肉拉盤，有高級肥牛、牛板腱、牛下肩、牛舌心同牛胸爽塊塊牛肉色鮮紅，放落煲度滾兩滾就熟，肉質香嫩食完呢碟，仲有好多items任嗌包括餃子、豬牛雞、海鮮類等等除咗QR code落單，仲有得出去攞食材，有多款蔬菜同丸類選擇，而且個樣算靚仔新鮮仲有熟食可以攞㗎，有啲小食、沙律等等，最驚喜係連紅糖糍粑都有，真係開心到癲咗飲品都有好多option，有罐裝同紙包飲品，亦有幾款下火手調涼茶，大量飲嚟打吓底都唔錯甜品都有唔同類型，有馬卡龍、蛋糕仔、豆腐花同雪糕雪糕嘅牌子都好少見，味道都好特別