影片
更多
2021-06-17
826 瀏覽
.📍小廚美食📍 #饅頭去荃灣 #饅頭掃街之選溫馨提示：老闆娘會主動比膠袋你，即食嘅朋友仔記得要提前同佢講聲，避免製造多餘垃圾😉。------------------------------魚肉燒賣($12/7粒)Size正常，魚肉味偏淡，口感唔夠煙韌，不過都軟彈有咬口；燒賣皮薄，冇甩皮甩骨，有皺摺掛醬油；整體不過不失。------------------------------藥膳燒賣($15/5粒)Size比魚肉燒賣細少少，每粒大小不一，純人手製作。依然係皮薄，但就有啲散，食落有淡淡嘅冬菇香，豬肉味道香嫩，唔會死實，彈牙有汁😋，但藥材味唔濃，比醬汁蓋過曬。最最最重要嘅係佢嘅麻辣油，係用花椒、豆豉、蝦米同花生🥜醃過，令味道昇華👏🏻，辣味同後勁唔算好強，又香又惹味，騰椒味極重，食到個嘴唇麻一麻，配埋脆口嘅蝦米同炸蒜就更加香口😍，同鹹中帶香甜嘅豉油一唱一和，簡直冇得彈。但燒賣嚟講價錢都好貴下😕，宜小食多滋味，或者直接買一樽麻辣油同一包金龍燒賣喺屋企自己煮😆。------------------------------整體評分：7.6/10小編回頭率：6.5/10
📍小廚美食📍 #饅頭去荃灣 #饅頭掃街之選
溫馨提示：老闆娘會主動比膠袋你，即食嘅朋友仔記得要提前同佢講聲，避免製造多餘垃圾😉。
------------------------------
魚肉燒賣($12/7粒)
Size正常，魚肉味偏淡，口感唔夠煙韌，不過都軟彈有咬口；燒賣皮薄，冇甩皮甩骨，有皺摺掛醬油；整體不過不失。
------------------------------
藥膳燒賣($15/5粒)
Size比魚肉燒賣細少少，每粒大小不一，純人手製作。依然係皮薄，但就有啲散，食落有淡淡嘅冬菇香，豬肉味道香嫩，唔會死實，彈牙有汁😋，但藥材味唔濃，比醬汁蓋過曬。
最最最重要嘅係佢嘅麻辣油，係用花椒、豆豉、蝦米同花生🥜醃過，令味道昇華👏🏻，辣味同後勁唔算好強，又香又惹味，騰椒味極重，食到個嘴唇麻一麻，配埋脆口嘅蝦米同炸蒜就更加香口😍，同鹹中帶香甜嘅豉油一唱一和，簡直冇得彈。
但燒賣嚟講價錢都好貴下😕，宜小食多滋味，或者直接買一樽麻辣油同一包金龍燒賣喺屋企自己煮😆。
------------------------------
整體評分：7.6/10
小編回頭率：6.5/10
魚肉燒賣
$12
50 瀏覽
2 讚好
0 留言
藥膳燒賣
$15
46 瀏覽
0 讚好
0 留言
張貼
