影片
更多
2022-09-27
309 瀏覽
上星期同呀媽食左好好味既一餐飯。就係係Mr Korea BBQ到食左醬油蟹、醬油蝦、醬油鮑魚同韓牛。醬油拼盤 $780呢個拼盤真係份量十足，2隻醬油蟹、6隻醬油蝦、4隻醬油鮑魚、2個紫菜飯糰全部醃得好入味，鮮得黎甜甜地咸咸地，完全唔會腥，真係一試會上癮架🤤我真係好enjoy擠啲蟹肉出黎！再連殼啜啲蟹肉出黎。就咁食好滿足，用黎撈飯都得。個汁真係勁好送飯，勁大個紫菜飯糰我極速KO左。叫得做白飯神偷真係名不虛傳👍🏻醬油蝦大隻得黎好彈牙！有我呀媽幫我搣走曬啲蝦殼，我真係孝順呀😂醬油鮑魚扎實有口感，爽口彈牙😋今次係我呀媽第一次試醬油系列，開頭仲係到話係生既唔係好敢食。食左一啖之後係咁話好鮮甜好好味。我就覺得真係食完有幸福既感覺😌佢地而家做緊個優惠 : 7-9月憑任何紅館演唱會飛尾正本可以享有優惠價$600就食到醬油拼盤。真係超抵！想試既就快手啦，仲有幾日就完啦個promotion。(全單需以現金付款)~~~~~~~~~~~~~~~~~~~~~~~~~~~~~~炸雞(半份) $98 / $168(全份)雖然餐牌凈係得全份價錢，但其實係可以嗌半份架。半份份量都好多，有6大件左右。平時個甜辣醬係會淋係
醬油拼盤 $780呢個拼盤真係份量十足，2隻醬油蟹、6隻醬油蝦、4隻醬油鮑魚、2個紫菜飯糰
全部醃得好入味，鮮得黎甜甜地咸咸地，完全唔會腥，真係一試會上癮架🤤
我真係好enjoy擠啲蟹肉出黎！再連殼啜啲蟹肉出黎。就咁食好滿足，用黎撈飯都得。個汁真係勁好送飯，勁大個紫菜飯糰我極速KO左。叫得做白飯神偷真係名不虛傳👍🏻
醬油蝦大隻得黎好彈牙！有我呀媽幫我搣走曬啲蝦殼，我真係孝順呀😂
醬油鮑魚扎實有口感，爽口彈牙😋
今次係我呀媽第一次試醬油系列，開頭仲係到話係生既唔係好敢食。食左一啖之後係咁話好鮮甜好好味。我就覺得真係食完有幸福既感覺😌
佢地而家做緊個優惠 : 7-9月憑任何紅館演唱會飛尾正本可以享有優惠價$600就食到醬油拼盤。真係超抵！想試既就快手啦，仲有幾日就完啦個promotion。(全單需以現金付款)~~~~~~~~~~~~~~~~~~~~~~~~~~~~~~
炸雞(半份) $98 / $168(全份)
雖然餐牌凈係得全份價錢，但其實係可以嗌半份架。半份份量都好多，有6大件左右。
平時個甜辣醬係會淋係面既，但餐廳專登幫我將醬分開上，咁我就可以試下原味啦。
個炸粉唔厚，食落係皮脆肉嫩既。
腹脅肉(100g) $240
韓牛真係唔係成日有，同埋好限量架！為左大家唔撲空一場，可以預先打個電話去餐廳問下當日有咩韓牛，預訂左先呀嘛。
呢個腹脅肉係韓牛最高級別1++級，真係擺入口唔使咬架，入口即溶好juicy🤤
醃製豬肋條 $138選用西班牙豚肉，質地較爽口。燒出黎好香，配生菜一齊食一流。
豬皮 $98
呢個因為見到好多人食所以都想試下，順便補充下骨膠原，等肌膚可以動L動L😆
侍應有教我地點燒先好食。食落真係好煙韌，韓國人鍾意點黃豆粉食可以去膩。
生米酒 $128
食燒肉我鍾意飲米酒多過飲燒酒，易入口好多又有米香。本身諗住同呀媽飲返2杯，點知條友仔飲得得2啖就唔飲，搞到我隊曬成枝
Overall呢餐飯好滿意，嘢食好味，勁有去左韓國既feel，亦都好好Service👍🏻絕對可以再去！
張貼
