立体派拉麵 (棉登徑) (已結業)

今日去完SOGO就係附近搵食，老公想食拉麵，就入左呢間試下!入到去有去左日本拉麵店既感覺~地方唔大但感覺舒服!特級白湯睇menu見到呢個特級白湯係拎左日本世界拉麵戰全國冠軍，即刻俾佢吸引左。一黎到見到勁大碗，湯底奶白色，上面放有切半既溏心蛋，賣相幾吸引!上面既豚肉片切到紙咁薄，直情可以透光!好犀利~食多幾塊都唔會內疚~XD麵質係我鍾意既口感，彈牙又有麵香~好正!海體醬油湯海體醬油湯同特級白湯完全係兩種味道，呢款味道更濃，但湯底唔會死咸~食完唔會覺得好口渴。叉燒係另上，煮得好入味，肥瘦分明，咬落口油脂香同軟林既肉係口腔入面遊走~滿足既感覺!唐揚脆炸雞炸雞基本上一定係好食，呢度既炸雞唔會好油，回埋沙律醬食到停唔到口!香炸雞軟骨餃子雞軟骨餃子唔會炸過龍令外層變硬，咬落脆口入面JUICY，雞軟骨肉餡有咬口，比就咁食普通肉餃子冇咁膩!飲品叫左波子汽水同Zero，不過開既時候要小心，如果唔係會彈到成身都係。