韓珍 (帝國中心) (已結業)

同朋友嚟到呢間韓燒食晚餐，我地點咗一個k special 套餐，入面有牛肉眼牛扒、牛西冷牛扒、濟州豬腩肉、東海魷魚、鱔、人蔘雞湯、蛋餅，仲有柚子菜，睇返張單先知原來比漏咗柚子茶比我地個人蔘雞湯真係好好食，個雞煲到骨肉分裂，一食入口真係食得出火侯好夠，好入味，下次嚟會再嗌！不過食完呢個都飽左5成啦，因為入面有飯。泡菜煎餅軟林林，又夠辣，好食。而韓燒食材方面，整體食材係新鮮、真係韓牛嚟，好好食，抽氣系統都好好，食完都唔會成身韓燒味，不過當我地request 要refill生菜，老闆話要加錢，我地就覺得有d孤寒啦，因為個set $1688，咁多野食，但就連生菜都唔free多轉，希望老闆會free多轉生菜比客人啦，本身兜菜都偏細兜。服務方面，入面侍應有韓國人同菲律賓侍應，多數要講英文，得老闆識講廣東話嘅，整體服務都唔錯，全程幫我地燒野食，我地都無郁過手，下次想食韓牛都會過嚟呀，我地埋單$2500，係偏貴不過有質素嘅。