GALBI TOWN

營業中

休息中

好鍾意食韓國嘅醬油蟹，但係冇假期唔可以飛去韓國食，今日經過尖沙咀見到呢一間韓國菜新開張就走咗上去，呢度環境十分之大，地方寬敞，店員都係全部韓國人，服務非常之友善。一坐低店員就會送上不同的前菜，有泡菜，雞蛋，木耳，豆角，蓮藕，沙律等，全部都非常新鮮爽口。醬油蟹店員會幫我哋拆蟹，完全唔使自己動手，很方便，醬油蟹味道鮮甜味濃，醬油不會過咸，肉質鮮甜肥美，啖啖蟹膏，加上紫菜更加香口，每一啖飯都非常美味。海鮮煎餅呢一個海鮮煎餅材料豐富，味道香脆可口。韓牛新鮮肉眼韓國直送韓牛，肉質細緻，入口非常多汁，牛肉味濃郁，店員會幫我哋燒好再切開一件件。梨汁味道香甜，非常解渴。