Red Rice 米飯主題餐廳 (億利工業中心)

營業中

休息中

之前睇過全港蛋包飯推薦，呢間係獲獎🏆嘅其中一間。睇戲前醫下肚，經過呢間就去食下。黎到就點咗吉列魚柳蛋包飯，配咖哩汁，仲加咗個3.6牛乳忌廉湯。平時都唔會加錢叫湯，不過講到咁吸引，用3.6牛乳，就不防一試。3.6牛乳忌廉湯係有驚喜，好濃厚，湯仲有蘑菇呢d配料。個湯起咗個好嘅開始，不過黎黎嘅蛋包飯真係失望。薄薄一層滑蛋蓋住成個飯，掛住蛋汁係面，雖然相比飯量講，蛋同蛋汁絕對唔夠撈飯食，但味道都唔錯。所以死因唔係蛋到。其中一個奇怪位係飯係已用汁調味，鹹同令個飯濕濕地，用黎配蛋食好奇怪。吉列魚柳得個大，唔脆，肉質又太實，唔講都唔知食緊魚柳。另一死穴係咖哩汁，與其話係汁，不如話係醬，係好港色茶餐廳嘅咖哩，得個鹹。可能之前對呢間獲獎嘅餐廳期望太大，結果失望更大，破壞左對蛋包飯嘅印象。