影片
更多
2024-07-25
388 瀏覽
朋友話去堅尼地城食粥粉麵飯。山長水遠去食粥粉麵飯？原來”粥粉麵飯”係堅尼地城一間小菜館，主打酸菜魚、火鍋同雞煲等等。由地鐵站行過去大約4分鐘。先嚟一個”酸菜魚”。其實我好怕酸，但呢度嘅酸菜魚唔會好酸。啲湯好香口，仲可以就咁飲。而佢嘅用料雲耳、西芹、酸菜、芽菜等等都足夠，而魚就好大塊。“椒鹽鮮魷”就炸得好香口，炸粉唔會好厚，襯飯一流。個人認為佢炸粉入邊嘅魷魚可以大嚿啲。原來嘢飲先係最令人驚喜嘅地方。”水蜜桃梳打”已經夠晒勁，用上蝶豆花，所以都會有藍色效果。”奶茶涼粉冰”除咗係有奶茶同涼粉，上面仲多咗隻鴨，而呢隻鴨係一粒棉花糖😅。下次可以試吓佢嘅雞煲同火鍋，真係唔可以睇小食粥粉麵飯嘅餐廳！
朋友話去堅尼地城食粥粉麵飯。
山長水遠去食粥粉麵飯？
原來”粥粉麵飯”係堅尼地城一間小菜館，主打酸菜魚、火鍋同雞煲等等。由地鐵站行過去大約4分鐘。
先嚟一個”酸菜魚”。其實我好怕酸，但呢度嘅酸菜魚唔會好酸。啲湯好香口，仲可以就咁飲。而佢嘅用料雲耳、西芹、酸菜、芽菜等等都足夠，而魚就好大塊。
“椒鹽鮮魷”就炸得好香口，炸粉唔會好厚，襯飯一流。個人認為佢炸粉入邊嘅魷魚可以大嚿啲。
原來嘢飲先係最令人驚喜嘅地方。”水蜜桃梳打”已經夠晒勁，用上蝶豆花，所以都會有藍色效果。”奶茶涼粉冰”除咗係有奶茶同涼粉，上面仲多咗隻鴨，而呢隻鴨係一粒棉花糖😅。
下次可以試吓佢嘅雞煲同火鍋，真係唔可以睇小食粥粉麵飯嘅餐廳！
張貼
