本色鍋品料理

營業中

休息中

無論咩天氣，打邊爐都喺我其中最愛嘅一項活動。因為一邊烚吓烚吓，一邊同朋友傾吓計，的確相當寫意。打邊爐最重要嘅喺湯㡳，睇餐牌覺得相當吸引，就點咗酸菜魚。呢到地方相當舒服，坐位好闊落，而且仲有電視睇添！落咗柯打無幾耐，嗰湯㡳就到。嗰湯完全喺真材實料，仲有勁多魚肉添架。魚肉仲好嫩滑，無乜骨架。唔單止咁，個湯仲有好勁多酸菜，同埋其他蔬菜、菇。食完個湯㡳都飽咗一大半呀。另外，我哋點咗啲丸。呢到嘅丸仲可以雙併添架。我哋揀咗牛肉丸同蟹籽蝦丸。的確相當入味，唔似平時食開啲加工丸咁，入口喺有牛味，相當吸引呢。仲有好多嘢食都好想試呀，不過我哋人太少，試唔到好多，下次搵多啲朋友一齊嚟至得。