打邊爐海鮮火鍋燒烤店 (已結業)

一大班人食野，最好嘅選擇當然係去打邊爐啦。今次就黎左位於土瓜灣嘅喱間火鍋店。睇下佢水準掂唔掂先。花鵰醉雞鍋 (半隻 $128)我非常喜歡食醉雞，所以一見到喱度有醉雞鍋，當然要叫黎試下啦。湯底香味四溢，放足唔同嘅藥材落去煲，賣相唔錯。雖然只係叫半隻雞，不過雞件嘅份量都唔少嫁，而且處理得好乾淨，睇落好新鮮，食得安心。放雞件落去煮幾分鐘就可以食，睇得出雞件係無經過調味嘅，所以好靠個湯底去帶起個味。喱個鍋花鵰味香濃，非常能夠帶出雞嘅鮮味。雞件嫩滑爽口，鮮得黎無雪味，真係唔錯。美國安格斯肥牛 (半碟 $78)肥瘦分佈雖然唔算好靚，不過入口都ok嫁，牛味尚可，口感都幾爽滑，而且價錢又唔貴，屬抵食之選。花甲好鮮甜，處理得好乾淨，無沙。響玲，吸湯之選，一流。