打邊爐海鮮火鍋燒烤店 (已結業)

花雕醉雞鍋🐔 ($128)司令有舖邊爐癮，每隔幾日就想去打邊爐。今次去左土瓜灣覓食，店家最出名既係花甲蟹煲，見到格離枱啲蟹肉多到滿出黎，睇到都覺得正😂。不過奈何司令有朋友唔食得海鮮，所以最後簡簡單單叫左個醉雞鍋。雞肉夠肥夠滑，半隻都唔算少，酒味唔算太濃，食到尾有少少唔夠味，食醉雞一定要配公仔麵，最索味😍。配料可以叫半份，好多都係$30左右，可以叫多幾款慢慢食，珊瑚蚌好新鮮，入口好爽口，最正係凍豆腐，滾一陣就食得，一夾上黎，湯底既味爽曬入去，一咬就噴汁，唔錯！