聖保祿醫院餐廳

營業中

休息中

屋企有人入院，探病係指定動作。收工去探病，嚟到已經差唔多七點，係病房見肚餓就拎起menu，其實都無咩期望，醫院野應該無咩驚喜。令我驚訝既係呢度食物真係幾多種類，好多野都有得食，可能仲多過出面某d茶記。呢個時候，我仲諗起朋友既金句 - 有錢就是任性。的確，住私家醫院最緊要有錢，想點都得。原來醫院每小時都會有送餐服務，呢樣野真係要讚，服務夠體貼送餐送到病房，雖然價錢已反映 ......叫左個炸薯條同埋芝士肉醬意粉。炸薯條都幾驚喜，我以為會凍冰冰同翻炸，通通都無。由送餐送到病房仲可以保持到微熱真係收貨，雖然我覺得薯條太淋，不過連茄汁都比埋，份量又唔錯，真係算係咁。芝士肉醬意粉材料都幾足，最少芝士唔係冰山一角。可惜既係味道偏淡，可能要就番病人唔好太濃味，不過整體還可以，比薯條還要熱，又唔會乾身。相信蕃茄味再濃d已經夠做。其實有時，真係唔好話邊度邊度唔好食，你食過未先？都未食過就話唔好食，你食左先講啦！