韓脈 (帝國中心)

營業中

休息中

餐廳質素依然維持高水平！一入到去就會有大量餐前菜，未開爐之前，儀式感十足，擺滿滿✨職員會幫你燒，服務真係好周到🫧蛋餅呢間餐廳嘅蛋餅真係好味，點選燒烤類主食就會送一份鐵板燒蛋餅，每次都令人感動，滿足感爆棚。醬油蟹配紫菜飯唔係每間餐廳嘅醬油蟹都做得好，要求新鮮又無腥味，仲可以配飯，呢間真係值得試吓。醬油係醬油蟹嘅精華所在，蟹膏爆多，半透明嘅蟹肉，加埋浸過香氣四溢嘅醬油汁，再配上紫菜飯，絕對係最佳配搭。五花肉韓燒必點五花肉，半肥半瘦，燒得焦脆，加埋生菜、蒜、泡菜，食落去又唔會覺得膩，清爽得來又好味。醱酵鮑魚人蔘雞湯呢個人蔘雞湯我第一次試！原隻雞包住軟糯米，再加上發酵鮑魚，養生又補健，食完真係充滿正能量。拼盤有店員幫手燒得肉質岩岩好，牛肉質素高，味道調得剛好個人鍾意配埋白飯，仲可以加一口泡菜，真係極佳享受。