Oasis Cafe & Party House (已易手) 新餐廳

門口有少少隱蔽，要係先達廣場側門先搵到先施大廈，一出lift 就見到oasis cafe 燈牌。環境暗暗地的樓上cafe，適合我地幾個女仔傾蜜偈。餐牌款式都唔少，價錢亦合理因為減肥，唔想食主食，點左款白酒青口，海鮮拼盤，青口係西式煮法，好香配搭好好食😋海鮮拼盤每樣炸物有三件，我哋三個女仔啱啱好唔使爭😁另外加多壺玫瑰花茶，有蠟燭加熱，最近涼涼地啱哂😆仲可以加水，下次tea time又多個地方慢慢hea下。另一個朋友就叫咗Oreo奶昔。好滑好奶。下次黎跟餐叫會柢好多，加＄18就可以了。