Rasoi 傳統印度菜 (已結業)

大角咀最近新開了幾家食店，其中一家就是這家Rasoi印度餐廳，星期六晚試試新口味，所以就來了。進門已猶如置身印度，傳統印度餐廳的裝潢布置，加上印度音樂以及電視播放著的印度MV，再看到老闆、侍應及幾檯食客都是印度人，即時覺得自己選擇正確。飲品有Mango smoothie及印度奶茶，Mango smoothie 芒果味濃郁，十分清新!前菜點了小黃瓜沙律，開胃之選，略嫌份量太少。主菜有咖哩羊、咖哩芝士、芝士燴菠菜茸及牛油薄餅，其中芝士燴菠菜茸極力推介，很快已經被我們KO了，而咖哩羊亦煮得十分鮮嫩。由於當日下午3時多才食完tea，兩個人又極為眼闊肚窄，所以理所當然地食不完，為了不做大蹝鬼，只好將咖哩羊、咖哩芝士打包回家，第二天當午餐點都麵包食。用焗爐弄熱，咖哩羊仍然鮮嫩，咖哩芝士點麵包亦一流，正!平時久不久便會到重慶食咖哩，如果覺得重慶太多人太複雜，這裡是個好選擇。