影片
更多
2019-04-07
1289 瀏覽
第一次打食評, 真係忍唔住!!星期六放假, 阿媽話想試下依間牛火鍋放題.去到見到d價錢, 正常價. 見好日都唔食依類牛火鍋放題, 平時屋企打邊爐又唔會買和牛, 就試下個最買貴嗰個和牛set. (329加一)記得幾年前喺一間叫牛x鍋有優惠食過和牛set, 小弟唔太識食但d牛係好多雪花, 肥瘦適中, 入口即溶. 雖然食幾碟已經可以收工, 但勝在貴精不貴多.講返依間. 正常等位等左15分鐘左右, 入坐前問要咩湯底要咩牛. 一坐低, 已經極速上左兩碟牛一碟豬. 起初我以為佢地係擺一round中低價牛先再上"和牛". 我諗住食幾片普通牛無問題, 乜都試下. 我阿媽就話唔得, 要問清楚waiter. 我問個waiter依d係唔係和牛, 佢拎走左大約10秒後返黎話嗰兩碟就係和牛. 我眼都突埋, OK!我好冷靜咁過多陣問另一個好似資深d嘅waiter, 佢都答我嗰d就係和牛.可能我期望太高, 同時我唔係和牛專家. 我只能夠話, 我去x寶用600幾蚊買依d"和牛"夠我同阿媽食一個禮拜有多!!再重申一次, 依d係"和牛". 只係我唔識野又期望過高, 不過大家有興趣去依度食和牛嘅話, 睇下圖望下係唔係你想食
星期六放假, 阿媽話想試下依間牛火鍋放題.
去到見到d價錢, 正常價.
見好日都唔食依類牛火鍋放題, 平時屋企打邊爐又唔會買和牛, 就試下個最買貴嗰個和牛set. (329加一)
記得幾年前喺一間叫牛x鍋有優惠食過和牛set, 小弟唔太識食但d牛係好多雪花, 肥瘦適中, 入口即溶. 雖然食幾碟已經可以收工, 但勝在貴精不貴多.
講返依間. 正常等位等左15分鐘左右, 入坐前問要咩湯底要咩牛.
一坐低, 已經極速上左兩碟牛一碟豬. 起初我以為佢地係擺一round中低價牛先再上"和牛". 我諗住食幾片普通牛無問題, 乜都試下. 我阿媽就話唔得, 要問清楚waiter.
我問個waiter依d係唔係和牛, 佢拎走左大約10秒後返黎話嗰兩碟就係和牛. 我眼都突埋, OK!我好冷靜咁過多陣問另一個好似資深d嘅waiter, 佢都答我嗰d就係和牛.
可能我期望太高, 同時我唔係和牛專家. 我只能夠話, 我去x寶用600幾蚊買依d"和牛"夠我同阿媽食一個禮拜有多!!
再重申一次, 依d係"和牛". 只係我唔識野又期望過高, 不過大家有興趣去依度食和牛嘅話, 睇下圖望下係唔係你想食嘅和牛先, 廢事有落差
和牛
$329
148 瀏覽
0 讚好
0 留言
講埋其他食物:
蝦: 最OK嘅海鮮. 想試嘅話去超市買最平嘅原隻連殼急凍蝦就可以
蜆: 普通無味蜆, 有少少沙
廣島蠔: 冰住上, 我無食但阿媽話都算OK
帶子: 同蝦一樣, 同X寶最細隻嘅急凍帶子一樣
湯:
壽喜燒OK, 甜度適中
昆布湯, 清水加兩小塊(膠布咁大)昆布乾.
菜: 新鮮嘅
丸: 普通x寶丸
總結:
如果一定要去依度食, 我諗食最平個set叫做食左個飯就好了. 唔好令自己失望唔開心
張貼
