影片
更多
2016-06-18
1245 瀏覽
多年前跟同事黎過食碗酸辣麵，今日神推鬼擁唔知食咩好，左兜右兜點知黎左真真，見只得食客三兩個，大把位任坐，環境寧靜又悠閒。最初唔明張單上面點解咁多剔號，諗諗吓，哦﹗原來數字代表價錢，9 乘 4 咪 36 囉。酸辣湯麵，暖暖地唔夠熱，已經琼到一劈劈，杰到粥一樣，豆粉味極濃。配料較為單調普通，青豆、豆腐、豬紅、蛋花，而且味道唔夠酸又唔夠辣，我又要自己額外再加醋及豆腐醬，嘗試調調味會否好一點，但豆瓣醬勁咸而辣椒油得油味完全唔辣，救命！但返魂乏術，格硬食完算。好失望﹗浪費我寶貴既 quota！味道及用料都強差人意，心情跌落谷底。酸辣湯味道似泰式雞醬撈醋，偏甜不香。麵條正常無問題，不過腍不糊口不粉口，合格。不過掛上劣質酸辣湯同吃，都係算罷啦。飲過上海菜館即煮滾熱辣美味多料酸辣湯後，真係返唔到轉頭。上海排骨，我一直都唔明，根本係豬扒黎架喎，點解叫排骨呢？大陸同香港叫法唔同？那麼肉排呢？味道不過不失，醃味大路，炸得外層略脆而香口，裡面質地軟棉棉，只係 dry 了點啫，肉汁乾涸，切厚一點可鎖住更多肉汁。食過最好食既排骨菜飯係銅鑼灣美味廚，仲係我唯一會食既菜飯。炸雞全翼，因為即叫即炸製作需時，所以最後先到
酸辣湯麵，暖暖地唔夠熱，已經琼到一劈劈，杰到粥一樣，豆粉味極濃。配料較為單調普通，青豆、豆腐、豬紅、蛋花，而且味道唔夠酸又唔夠辣，
我又要自己額外再加醋及豆腐醬，嘗試調調味會否好一點，但豆瓣醬勁咸而辣椒油得油味完全唔辣，救命！但返魂乏術，格硬食完算。好失望﹗浪費我寶貴既 quota！味道及用料都強差人意，心情跌落谷底。酸辣湯味道似泰式雞醬撈醋，偏甜不香。
麵條正常無問題，不過腍不糊口不粉口，合格。不過掛上劣質酸辣湯同吃，都係算罷啦。飲過上海菜館即煮滾熱辣美味多料酸辣湯後，真係返唔到轉頭。
上海排骨，我一直都唔明，根本係豬扒黎架喎，點解叫排骨呢？大陸同香港叫法唔同？那麼肉排呢？味道不過不失，醃味大路，炸得外層略脆而香口，裡面質地軟棉棉，只係 dry 了點啫，肉汁乾涸，切厚一點可鎖住更多肉汁。食過最好食既排骨菜飯係銅鑼灣美味廚，仲係我唯一會食既菜飯。
炸雞全翼，因為即叫即炸製作需時，所以最後先到。久等了，熱騰騰大駕光臨，彷似隱約仍聽到油炸吱吱聲呢！外皮香脆都尚算炸得乾身不油，略厭燶了一點點。醃味普通不怎特別，內裡白雪雪嫩肉微滲，平凡合格。
油豆腐粉絲湯，第一次認識油豆腐粉絲湯，原來那麼甜美可口，最好食今次！比上海排骨、炸雞翼還要好味呢。有大量雪菜、少量大頭菜、白菜仔都好好味，湯底帶著天然菜甜味，特別鮮甜，味濃有咸香。
立方形豆卜脹卜卜，外形十分可愛，仲煎釀左豬肉係裡面，真係估您唔到！煎得豬肉非常香口，豆卜索湯一流，一咬爆汁澎湃，跟豬肉味道融合極致，多種質感，非常好食！
還以為會係齋油豆腐長方形一塊塊，竟然釀菜肉係裡面呢，驚喜萬分！元寶形油豆腐外觀餃子一樣，軟塾香滑豆腐包著菜肉餡，滑彈細緻，味道出眾。
粉絲粉量也不少，質地硬淨爽爽的，本身味道偏淡，夾雜住雪菜油豆腐同吃會較好味。撈上強咸辣味豆瓣醬都唔錯，似乎福字粉絲、超力粉絲，即食粉絲味道更適合我。
酸辣湯
50 瀏覽
0 讚好
0 留言
酸辣湯麵
52 瀏覽
0 讚好
0 留言
上海排骨
24 瀏覽
0 讚好
0 留言
炸雞全翼
30 瀏覽
0 讚好
0 留言
油豆腐粉絲湯
90 瀏覽
0 讚好
0 留言
油豆腐粉絲湯
63 瀏覽
0 讚好
0 留言
張貼
