農米莊

營業中

休息中

今日同班隊友喺旺角練完波，隊友們都會去指定一間米線店度聚餐兼傾偈，平時練完波我都會返屋企食飯，但今日屋企冇煮飯，所以跟咗佢哋去一齊食，原來佢哋平時都係去開一間叫做農米莊嘅雞湯米線店度食米線，傾吓今日練習嘅成果同傾吓偈，呢間米線店主打雞湯米線，但係我見到都有湯飯同酸菜魚之類米線，仲有啲特色飯，同好多小食揀！我問我啲隊友最好食係啲乜嘢？佢哋話如果你第一次食就食椰子雞湯米線啦，咁我就選擇咗椰子雞湯米線，果然碗米線一到，冇介紹錯好香嘅椰子雞香味，雞仲好滑….唔怪之得佢哋成日都嚟食囉！我諗我以後同佢哋練完波都會一齊再嚟食！😋