麵皇自家麵

營業中

休息中

行過佐敦附近見肚餓，見到呢間麵皇主打手工麵就即管一試。見到呢度主打係牛，於是叫左一個牛展粗麵，本身想嗌清湯，但係鋪頭姐姐好熱情咁推介胡椒湯底，於是就轉左。上菜時，第一眼係覺得成個賣相一般，因為除左牛展、麵同芽菜就冇其他野，撈一撈先發現原來底下責左幾條生菜。先試一啖湯底，濃濃既胡椒味旋即填滿你每一個味蕾，少少辣得黎幾刺激，本身少食辣既我都接受到。至於麵質，佢既粗麵同我以往認知既粗麵有d唔同，起初以為係車仔麵檔比較扁身，可能因為手工製作，佢係一條粗左既管狀麵條，食落幾彈牙，可以一試。