合興旺茶餐廳

營業中

休息中

真係估唔到，深水埗竟然有一間咁筍嘅餐廳，當日我放假唔使返工，就去咗深水埗黃金嗰邊睇電腦，正當準備撘車返屋企煮飯之際，就距離我不遠處，我睇到一間餐廳，門外嘅餐牌寫住各式嘅什扒餐同午餐，而且價錢真係幾吸引，四十幾蚊就有一個什扒餐，反正我當時都未食飯，於是我就決定入去開餐，一坐低~我睇餐牌，我當時其實有幾個餐都好鍾意，嗰一刻真係令到我患上選擇困難症，到最後~我決定叫個黑椒什扒餐，當所有食物到齊時，真係嚇我一跳，份量多到我愕然，除咗主菜什扒外，什扒下面還鋪滿勁多椰菜同薯角，一大碗嘅忌廉湯，再加一碟白飯及一杯凍奶茶，total落樓價只係$47元，勁抵！味道方面鹹咗少少，但可以接受，黑椒汁微辣真係幾惹味，幾經辛苦終於將所有食物放哂入肚，好滿足呀！