Pizza Maru (荃新天地)

營業中

休息中

泡菜海灣芝加哥($189)，哩個pizza用左超過十款餡料，而且有泡菜既關係所以食落會辣辣地，批邊搽左蜜糖，一甜一辣口感好特別，加上芝心係特厚，pizza既餅底鋪滿芝士，每一啖都食到軟綿綿既芝士。蜂蜜蒜泥炸雞($123)，半隻雞份量，共6件，哩款係淋上醬汁既炸雞，濃厚香蒜味，外層炸粉食落仍然脆卜卜，而且甜甜地給人一種食完一件再想食多件既感覺，雞肉有肉汁唔乾身。首爾醬油咖哩粉炸雞($128)，同樣半隻雞份量，共6件，哩款炸雞係加上咖哩粉末，雞肉同樣嫩滑，味道方面唔會太濃太辣，好迎合香港人口味。Peach Ade($48)，係桃味既氣泡飲品，加入左薄荷葉，口感好清新，pizza和炸雞都係高熱量食物，飲一啖可消除口腔內既油膩感。