稻香超級漁港 (南豐廣場) (已結業)

一年一度重陽節， 一早起身 一家幾口嘆茶去， 將軍澳南豐廣場，稻香都係成日去，今日去到 ，唔見人山人海 ，點解今日咁靜嘅呢 ，原來優惠時段提早咗，假期九點前離台結賬，將有半價優惠，平時就係會十一點嘅，不過唔緊要啦!我哋都係嚟，飲個早茶，食個包，今日唔多啦，每位都七十幾落樓。义燒腸粉好多時叫皮內平均啖啖肉。雞肉春卷好多油，味道都唔錯， 薄薄脆。 叉燒包 剛剛好一人一個 ，皮肉均勻包鬆脆。芝麻芋頭餅好味，唔見油 ，有芝麻香亦有芋頭嘅芋頭蓉，正!鮑魚燒賣 鮑魚細細隻都算係有鮑魚嘅，燒賣都係如常嘅燒賣。鳳爪排骨飯 加埋餸得半盅，食落有啲唔夠喉！