瓊媽媽 (書局街)

營業中

休息中

嚟食瓊媽媽理應食海南雞係咪？只啱一半 如果兩個人，我會揀一個咖喱牛腩飯，再加半隻沙薑雞做餸瓊媽媽有三款雞，雖然沙薑雞係比較便宜雞味沒有海南雞那麼肥美濃郁，但對怕食油膩食物的，反而沙薑雞恰到好處，瓊媽媽的雞一貫嫩滑，價錢相宜，飯盒午餐或是晚上家中加餸都極為合適。重點推介瓊媽媽咖喱牛腩飯，本身佢個牛腩飯係比較甜易入口，咖喱味濃郁，但又未去到印度或巴基斯坦咖喱那種複雜的咖喱口味，適合大眾。而瓊媽媽的牛筋牛腩，幫襯多年有九成八以上的時間都做出鬆嫩的牛腩軟滑的牛筋。隨咖喱牛腩飯奉送的餐湯落足心機，堂食直頭想問要添飲。