麥芝連餅店

營業中

休息中

呢間舖頭開舖無耐，我就買左個蛋糕慶祝老公生日，食過返尋味，之後我屋企的蛋糕都係訂呢一間！佢地有現做現賣的生日蛋糕，記得第一次嘗試係老公生日，正諗緊買咩蛋糕好，咁啱經過呢間新舖，見到有抺茶紅豆蛋糕幾特別，離屋企又近近地就買黎試下，半磅蛋糕竟然一百蚊有找！結果一食之下，全家人都大讚好食！個蛋糕底非常鬆軟，啲抺茶cream 一啲都唔漏，仲有燈籠果同士多啤梨係上面，好好食！紅豆餡非常足料，上面同中間都有一層厚紅豆粒，諗起都回味無窮！之後仲試左佢地個粉紅色士多啤梨蛋糕，賣相很吸引，味道當然係一樣咁讚！今次我小朋友生日，已經係第3次食佢地的蛋糕，我訂左個Elsa公仔蛋糕，出面閒閒地都四五百蚊個，呢間$298已經有個，做工仲好靚！個包裝係全透明膠盒，一路攞返屋企，沿途啲人係咁望住，有種羨慕的目光！返到屋企，小朋友一見到好鍾意，全家都食得好開心！蛋糕上面除了水果外，還有粒好好味的馬卡龍！一粒當然唔係好夠，我見佢有一盒盒的馬卡龍賣，下次要買一盒成家好好分享。至於個蛋糕味道就當然係一樣咁新鮮，咁好食！推介推介！！