影片
更多
2023-02-03
562 瀏覽
前幾日睇完影片分享網站介紹 見佢地讚到咁 就抱住期待嘅心情同屋企人去食 點知都係失望而回食物1）沙律醬炸雞定食 2）辣油炸雞定食 3）吉列豬排 4)餃子兩個定食各$127 炸雞嘅問題係唔夠脆+唔夠熱 佢炸粉唔算厚嘅 但係個雞其實自身就無咩味 只可以靠配料(醬同辣椒油）吊起陣味 一個定食有4件雞左右 每件都好大舊 好重但真係無咩特別 我唔覺得值$127 如果佢係$60嗰啲學生餐/lunch set 我就會覺得係合格水平 但係而家賣$127就唔合格定食入面個飯好稔 係痴埋一pat嘅飯 但平時我地食日本飯 珍珠米嘅時候應該係粒粒分明 而唔係而家呢種會痴埋一舊舊嘅飯吉列豬排 $144淨係得吉列豬排 定食嗰啲就要接近$200 呢個第一啖已經食得出係即炸 非常熱 但係啲肉好硬 個皮都偏厚 更加會出現皮肉分離狀況作為一塊都要百幾蚊嘅吉列豬排係fail過個炸雞環境如果大家睇完咁大輪嘢都係決定一試嘅話 記得一定要雙數人數去食 但假如大家係好鍾意同人搭檯嘅話都歡迎單數人數去嘅我地3個人去食 店員從來無問過我地可唔可以搭檯 佢叫我地入去後我地就見到3張2人檯拍埋 有3個人已經坐喺到食緊 我地三個一定要同嗰三
食物
1）沙律醬炸雞定食 2）辣油炸雞定食 3）吉列豬排 4)餃子
兩個定食各$127
炸雞嘅問題係唔夠脆+唔夠熱
佢炸粉唔算厚嘅 但係個雞其實自身就無咩味 只可以靠配料(醬同辣椒油）吊起陣味
一個定食有4件雞左右 每件都好大舊 好重
但真係無咩特別 我唔覺得值$127 如果佢係$60嗰啲學生餐/lunch set 我就會覺得係合格水平 但係而家賣$127就唔合格
定食入面個飯好稔 係痴埋一pat嘅飯 但平時我地食日本飯 珍珠米嘅時候應該係粒粒分明 而唔係而家呢種會痴埋一舊舊嘅飯
吉列豬排 $144
淨係得吉列豬排 定食嗰啲就要接近$200
呢個第一啖已經食得出係即炸 非常熱 但係啲肉好硬 個皮都偏厚 更加會出現皮肉分離狀況
作為一塊都要百幾蚊嘅吉列豬排係fail過個炸雞
環境
如果大家睇完咁大輪嘢都係決定一試嘅話 記得一定要雙數人數去食 但假如大家係好鍾意同人搭檯嘅話都歡迎單數人數去嘅
我地3個人去食 店員從來無問過我地可唔可以搭檯 佢叫我地入去後我地就見到3張2人檯拍埋 有3個人已經坐喺到食緊 我地三個一定要同嗰三位姨姨一齊坐 好似同緊佢地一齊食飯咁
疫情期間真係好少搭檯 雖然而家都進入後疫情時代 但喺不知情情況下被逼搭檯 仲要距離都幾近 當佢地走後 又會多三個陌生人一齊坐 無遮無擋 成個感覺好唔舒服
一句講到尾 唔太建議大家去食 留起啲錢可以食好多好野
張貼
