周記點心

營業中

休息中

我同朋友兩個女仔去，拎住2袋野，佢地一去到就叫我地坐埋一邊，但我地表示兩個人加兩袋野+大褸及頸巾等等真係坐唔到佢噤窄既一邊。四圍我地見到好多人都係兩人一張檯噤坐，但佢地又冇叫其他人噤做。仲有個員工一黎就用普通話同我地講野，叫我地將所有野放埋落檯底，佢要比位比其他人坐。但佢就唔去叫其他3-4圍檯既人讓位，甚至附近有吉檯佢都要我地讓位出黎。噤都算啦！我地未食晒野，仲有三碟食物既時候，佢走黎收野，將同檯既人用過既餐具惦到我地未食既食物上，仲要一手插落我杯茶度，我表示我未走，佢就放返杯茶嚮檯，但佢隻手插過落去，佢仲唔覺得有問題！！！之後好晦氣話換過杯茶俾我，但係佢收走左就冇再俾返我。跟住另一個侍應走來，好晦氣話：「你哋仲有噤多野喺度呀？！」但明明我哋後邊仲有兩張吉檯！噤我同朋友就唯有唔再食啦，浪費晒d食物！我地由第一碟食物上檯到佢地夾硬催我地走都唔夠35分鐘。呢間野平心而論，野食唔係特別好食，但服務態度真係好差！西環食點心既餐廳仲有好多間，唔洗去受佢氣。