有蒸氣 海鮮石鍋專門店 (已結業)

有幾碟海鮮都係生！食咗六舊幾都完全唔飽！最後個粥底仲要勁乾！超難食！個呀叔態度勁差，係咁走過黎話啲野食已經熟左，食得，但啲扇貝帶子聖子咬落仲係凍冰冰，佢係咁話食得，話咩4分鐘就得，根本完全冇經驗。之後投訴完，有個女人態度好啲，先走黎換一換。間野明顯唔夠人手，個呀叔又唔記得每枱野個煲煮左幾耐，搞到啱啱先落嘅野食，佢就以為煮熟左。然後最後個粥底冇味，而且乾到好似唔夠水煮嘅飯咁，細佬仔屋企煲飯仲好食。總括！差！