Cafe Pho 1975 (已結業)

見開左間越南野，經過幾次都有人等位，諗住下午茶時段快快手試下食，野食其實都還好，叫左個生熟牛肉河粉配熱檸茶（$46），個河粉正常普通質素，水吧有待改善，我叫咗杯熱檸茶，但嗰杯極其量叫暖檸茶，杯飲品好似沖定放咗向度好耐咁，感覺好差其實一間餐廳野食質素外，侍應態度好壞都好影響餐廳對客人嘅觀感。我入去前見到餐廳貼左個告示話餐廳正在試業，上菜可能要較長時間，但我覺得間餐廳最大問題唔係啲野食，係啲試左業都一段時間但仲係唔適應嘅侍應侍應好唔專業同唔醒目，完全冇指示，我自己行入去個著黑衫應該係經理完全無視我無諗住指示我坐邊......自助地搵完位去收銀問先知係先付款跟住侍應送野食過黎。我見原來有熱水嘅，見間店咁「自助」就放低個餐號牌走去自己斟水，轉頭個侍應幫我收走當我食完，唔係呀嘛？個個做野唔係好主動，我見有枱客叫佢哋執野佢哋都好似睇唔到咁照企向原位。咁樣嘅侍應真係好趕客，不如轉做快餐店客人全自助自取餐盤，個店員淨係執下枱面都冇咁嬲。