金鳳茶餐廳

營業中

休息中

金鳳最出名係菠蘿包，但我偷聽到排隊嘅人講，雞批、蛋撻都唔錯。茶記都係主打快食快走，金鳳屬於正常速度啦！*特價午餐 $55雪菜肉絲米粉：齋米粉少湯配雪菜肉絲。肉絲有咬口肉感，雪菜又唔會太鹹，但米粉索唔到味，變咗撈麵咁款。大多數人都係叫沙嗲牛肉公仔麵，可惜我唔食牛。煎雙蛋：師傅要時間煎，所以最遲上。啱啱好煎到有半熟蛋黃漿。*菠蘿包 (鮮油+$5)最快上，菠蘿包身有牛油香、蛋香，頭一兩啖有少少酸味，質感扎實而濕軟，絕唔會係空氣包。菠蘿皮有相對厚度，香甜酥脆。中間夾住牛油塊，但好可惜菠蘿包係凍嘅，冇熱包凍牛油嘅對比🥲雖然係凍，但都好食，如果係熱嘅會更好！*熱奶茶：奶茶薄身，入口順滑，但淡奶、茶底未夠香。