金子半之助 (荃灣廣場)

營業中

休息中

聽聞依間餐廳初初來香港時好多人排隊，見今日難得同同事準時收工，就即刻冲過來試下咩東東。餐廳位於地庫，一落電梯就見到一個金碧輝煌嘅大門口，相當有氣派，門簾對稱的掛喺大門，整潔嘅裝橫就好似置身日本嘅餐廳一樣。半之助沙律（⭐️⭐️⭐️⭐️⭐️）我地見好多人都有叫，果然冇令我地失望，簡潔大方嘅擺盤，冇多餘嘅醬汁舖面，唔同顔色嘅蔬菜混合喺一齊非常鮮艷奪目。每一塊菜葉都新鮮爽口，番茄仔大大顆好多汁，最驚喜嘅係有新鮮炸好嘅天婦羅下，大大隻而且肉質彈牙，值得一試！車海老壽司卷（⭐️⭐️⭐️⭐️）車海老意思是用上特大蝦隻，蝦夠大隻，只是配料更多，飯糰足足包圍了兩圈，加上惹味嘅沙律醬，真係非常飽肚，仲有三文魚子搭配，食到脆口嘅口感，不錯！軟殼蟹迷你天丼 + 蕎麥麵（⭐️⭐️⭐️⭐️⭐️）特別加錢試試我最愛嘅軟殼蟹天婦羅，軟殼蟹原隻斬半上，炸衣薄而脆，唔會跟肉分離，淋上特製醬汁更中和油膩嘅感覺，食多幾件都唔怕膩，仲有新鮮流心蛋搭配，令炸物更加滑口。飯粒亦粒粒分明，珍珠米香口帶點醋味。蕎麥面都好好食，大大碟點上淡豉油更帶出蕎麥淡淡的芳香。海老迷你天丼 + 稻庭烏冬（⭐️⭐️⭐️⭐️）海老只得一隻，但夾雜其他蔬菜類炸物亦有驚喜，每樣食材都非常新鮮